عصام سلمان يكتب: إِبْنِي... يا عِطْر اللَّوْن



 إِبْنِي

يَا عِطْر اللَّوْن،

يا صَـوْتْ كِلُّو شَـمِسْ،

جايِيِ عَ وِسْعِ الكَوْنْ،

فَوْقِ المَدَى

وَاللَّمْسْ؛

يا طَلِّةِ العالِي

مَحَّا الصَّلا خِيالِي،

بِ تْشِـع مِنْ حالِي،

تَنَدِّي عَ قَلْبِي الهَمْسْ،

يا صَـوْتْ كِلُّو

شَـمِسْ.
****************

= غَلْغِلْ

عَ قَدِّ الشَّوْقْ،

حِمْلْنِي بِ شَمِّه لِفَوْق،

سُـوْقِ الكَواكِبْ سَـوْق،

غِمْسْهُنْ بِصَدْرِي غَمْسْ

يا صَـوْتْ كِلُّو

شَـمِسْ،

= مَعْنَى

وُجُوْدِي إِنْتْ

صُرْتَكْ أَنا تَ كِنْتْ،

بِ حُبَّكْ زَمـانِي زِنْتْ،

وُحِلْمِي رَفَعْتُو قَوْسْ،

يا صَـوْتْ كِلُّو

شَـمِسْ.
****************

= عَلِّي

بِ نَبْضِي وُغِلّ،

عُمْرِي إِلَكْ تَ تِضَلّ،

إِنْتَ الفَضـا الِّي طَـلّ،

وَسَّعْ بِ وَعْيُو النَّفْسْ،

يا صَـوْتْ كِلُّو

شَـمِسْ،

= رَيَّان

شُوْ بِ قِلَّكْ،

نُوْرِي صَدَى ظِلَّكْ،

مِنْ دُوْنْ لُغَه يِـدِلَّكْ،

إِنَّكْ بِ رُوْحِي عُرْسْ،

يا صَـوْتْ كِلُّو

شَـمِسْ.
****************

= إِنْتَ

اعْتِذارِ الدَّهِرْ،

عَنْ وَقْتْ دُوْنَكْ مَرّ،

إِنْتَ الدَّفـا لِلسِّــرّ،

الَّخَلَّى حَياتِي دَرْسْ

يا صَـوْتْ كِلُّو

شَـمِسْ،

= لِـمْ

تِبْتِسِمْ بِحْلَمْ،

إِنّيِ عَ كِتْـف الجَـوْ،

وُكِلِّ المَدَى سَـلَّمْ،

لِ قَلْبِي لُغـاتِ 

 الضَّـوْ،

= يَـا

غايِةِ الكِلْمِهْ،

يـا هالِةِ البَسْمِهْ،

يـا مِرايِـةِ النِّعْمِهْ،

عُمْرِي ابْتَدَى بِلا أَأَمْسْ،

يا صَـوْتْ كِلُّو

شَـمِسْ.

عن دعوة للتفكير

    تعليقات بلوجر
    تعليقات فيسبوك

0 commentaires:

إرسال تعليق